როგორ დაინერგა თბილისი მედიკში თანამედროვე ორგანიზაციული სტრუქტურა "ეჯაილი"

ჯანდაცვის სექტორში მომუშავე ადამიანებს დიდი პასუხისმგებლობა აკისრიათ, რადგან ისინი პირდაპირ კავშირში არიან ადამიანების ჯანმრთელობასთან. ამიტომაც უნდა არსებობდნენ კომპანიები, რომლებიც ამ სექტორის წარმომადგენლებს სამუშაოს გაუმარტივებენ საკუთარი მომსახურებებით, როგორიცაა: საერთაშორისო სტანდარტების სამედიცინო პროდუქციის შეთავაზება, ოპერატიული და კვალიფიციური საინჟინრო სერვისი, კვალიფიკაციის ასამაღლებელი, სხვადასხვა ტიპის ტრენინგებისა და დარგობრივი სამუშაო შეხვედრების ორგანიზება.

„თბილისი მედიკი” სწორედ მსგავსი სამედიცინო პროდუქციის პროვაიდერი კომპანიაა, რომელიც 14 წელია, ორიენტირებულია საქართველოში არსებული სამედიცინო პროფილის დაწესებულებებისთვის, მრავალფეროვანი მომსახურების შეთავაზებაზე.

სამომხმარებლო მომსახურების გარდა, მედიკის გუნდი ორგანიზაციის შიგნითაც ნერგავს ისეთ კორპორაციულ კულტურას, სადაც მარტივად ხდება ყველა დიდი, თუ პატარა საორგანიზაციო საკითხის მენეჯმენტი, მიზნების განსაზღვრა და შემდგომში მათი ეფექტურად აღსრულებაც.

როგორც უკვე ვთქვით, კომპანია პროფილურად მრავალფეროვან სამედიცინო მიმართულებებს ფარავს. მაღალი კლინიკური სტანდარტებისა და სამომხმარებლო საჭიროებების დასაკმაყოფილებლად კი, განსხვავებული მიზნების განსაზღვრა ხდება აქტუალური.

მსგავსი საბაზრო ვითარებიდან გამომდინარე, კომპანიაში გაუქმდა დეპარტამენტული მუშაობის პრინციპი (სამი ძირითადი მიმართულება: სამედიცინო ავეჯი-აპარატურის, ლაბორატორიისა და სახარჯი მასალების) და დაინერგა ქართული სამედიცინო სექტორისთვის ინოვაციური „Agile” მუშაობის მეთოდოლოგია, რომელზეც კომპანიის ახალი გენერალური დირექტორი თავად მოგვიყვება.

„კომპანიის სამუშაო არეალი და მომსახურების სპექტრი საკმაოდ ფართოა, რაც გვაიძულებს მომხმარებლებთან ვიყოთ ოპერატიულები და ეფექტურად მოვახდინოთ რეაგირება ნებისმიერ საჭიროებაზე. ეს მიდგომა ხელს გვიწყობს კლინიკებთან გრძელვადიანი პარტნიორობის ჩამოყალიბებაში.

მსგავსი მოცემულობის გათვალისწინებით, მივედით დასკვნამდე, რომ კომპანია სრულად გადასულიყო Agile მოწყობის მოდელზე, რომელიც ხელს შეუწყობს, თანამშრომლებს შორის მრავალფეროვანი კომპეტენციების მიმართ ნდობის გაზრდას.

ფართო სამუშაო მიმართულებების ნაცვლად, ჩამოვაყალიბეთ პროდუქციის ვიწრო ჯგუფები, რომლებსაც საკუთარი მფლობელები (Product Owner) ჰყავთ. ზუსტად ისინი განსაზღვრავენ პროდუქციის განვითარების ვექტორს, ფოკუსირებულ გუნდთან ერთად, რომელიც განსხვავებული კომპეტენციის მქონე ადამიანებს აერთიანებს.

გუნდური მიზნები და პასუხისმგებლობა გვაერთიანებს ერთი, მთავარი მიზნის გარშემო – გავხდეთ ადგილობრივი სამედიცინო სექტორის განვითარების მსხვილი კონტრიბუტორები”, – ლევან ხომერიკი, გენერალური დირექტორი.

თბილისი მედიკში თვლიან, რომ სამედიცინო სექტორის წარმომადგენლებისთვის, უკეთესი ხვალინდელი დღის შესაქმნელად, დღევანდელ დღეს არსებული საუკეთესო გამოცდილებები უნდა დაინერგოს, რაც არამარტო კომპანიის, არამედ სრულიად სფეროს განვითარებას შეუწყობს ხელს.

„IBRD-ის მხარდაჭერა, გარე კონსულტანტების პროფესიონალი გუნდი და მსხვილი შიდა ფინანსური ინვესტიციები, იმ მნიშვნელოვანი ასპექტების ნაწილია, რომელიც თბილისი მედიკის განვითარებაში მნიშვნელოვან როლს ასრულებს. ზრდისკენ გადადგმულ ნაბიჯებში,  შესაბამის კონსულტაციებსა და გამოცდილებების გაზიარებას, ნებისმიერი შესაძლო წყაროდან უდიდესი მნიშვნელობა აქვს”, – ლევან ხომერიკი.

ის, თუ როგორ განვითარდება თბილისი მედიკის უკვე ახალი რეალობა, ძალიან მალე, შედეგებზე და სამედიცინო სექტორის კმაყოფილებაზე დაყრდნობით შეიტყობთ.