რა არის ნებულაიზერი და რისთვის გამოიყენება?
.png&w=2048&q=75)
ნებულაიზერი აპარატია, რომელიც გამოიყენება ინჰალაციისთვის რესპირატორული ინფექციების, ასთმის, ბრონქიტის, თუ სასუნთქი სისტემის სხვა დაავადებების დროს ზედა და ქვედა სასუნთქი გზების დასატენიანებლად, ან საჭირო მედიკამენტების მისაწოდებლად. იგი გამოიყენება, როგორც ბავშვებში, ასევე ზრდასრულებში.
ნებულაიზერის მუშაობის პრინციპი მარტივია: თხევადი წამლისგან ქმნის ორთქლს და საშუალებას იძლევა, რომ მედიკამენტი უფრო სწრაფად და მარტივად შეიწოვოს.
როგორც წესი, ნებულაიზერები არის ელექტრო, ან მუშაობს ბატარეაზე და არის პორტატული, რაც საშუალებას იძლევა რომ საჭირო ადგილას თან იქონიოთ.
რა მოწყობილობებისგან შედგება ნებულაიზერი?
თბილისი მედიკში წარმოდგენილია უმაღლესი ხარისხის ნებულაიზერები, რომელთა შეძენა შესაძლებელია შემდეგი კომპლექტაციით:
· კომპრესორი
· კონტეინერი/ჭიქა მედიკამენტისთვის
· მილი, რომელიც აკავშირებს ჰაერის კომპრესორს მედიკამენტების კონტეინერთან
· ნიღაბი ბავშვებისთვის
· ნიღაბი ზრდასრულებისთვის
· ფილტრები
როგორ გამოვიყენოთ ნებულაიზერი?
ნებულაიზერის გამოყენება საკმაოდ მარტივია: პირველ რიგში, დარწმუნდით, რომ თქვენი ნებულაიზერის ყველა ნაწილი სუფთაა.შემდეგ ჩაასხით თხევადი წამალი სპეციალურ ჭიქაში, შეაერთეთ პლასტმასის მილები სითხის კონტეინერსა და კომპრესორთან. დაამაგრეთ ნიღაბი და დაიდეთ სახეზე ისე, რომ ნიღაბი მაქსიმალურად ფარავდეს ცხვირ-პირს. ჩართეთ ნებულაიზერი და ისუნთქეთ ორთქლი ნელა, მაგრამ ნორმალურად, სანამ წამალი არ გაქრება (საშუალოდ, 10-15 წუთის განმავლობაში) .
ნებულაიზერით ინჰალაციისას ძირითად იყენებენ შემდეგი სახის მედიკამენტებს:
· მედიკამენტები , რომლებიც ხელს უწყობს სასუნთქი გზების გახსნას
· ხსნარები, რომლებიც ხელს უწყობს ფილტვებში ლორწოს დაშლას.
· და ანტიბიოტიკები, რომლებიც გამოიყენება ინფექციების სამკურნალოდ
აუცილებლად გაითვალისწინეთ, რომ თქვენთვის/თქვენი პატარასთვის საჭირო მედიკამენტები, რომელთა გამოყენებასაც ნებულაიზერის მეშვეობით გეგმავთ, იყოს ექიმის მიერ დანიშნული ინდივიდუალური საჭიროებიდან გამომდინარე.
როგორ გავასუფთავოთ ნებულაიზერი?
ვინაიდან თქვენ სუნთქავთ ორთქლს ნებულაიზერიდან, ის აუცილებლად სუფთა უნდა იყოს, წინააღმდეგ შემთხვევაში მასში მოხვედრილი ბაქტერიები და სხვა მიკრობები ინფექციის წყაროდ იქცევა.
ნებულაიზერის გასუფთავება, ისევე როგორც მისი გამოყენება, საკმაოდ მარტივია:
ყოველი გამოყენების შემდეგ გარეცხეთ ცხელი, გამდინარე წყლით და გააშრეთ ქაღალდის პირსახოცზე. კვირაში ორჯერ კი დაამუშავეთ სადეზინფექციო ხსნარის მეშვეობით.