სუპინატორი- ბრტყელტერფიანობით გამოწვეული პრობლემების საუკეთესო გადაწყვეტა

ბრტყელტერფიანობა საყრდენ-მამოძრავებელი აპარატის ერთ-ერთი ყველაზე გავრცელებული დაავადებაა. ეს არის ტერფების დეფორმაცია, რაც ძირითადად გამოიხატება განივი და გასწვრივი თაღების გასადავებით, შესაბამისად იმის მიხედვით თუ რომელი თაღებია გასადავებული განარჩევენ სხვადასხვა სახის ბრტყელტერფიანობას , სიგრძივსა და განივს, ასევე განივი და გასწვრივი გაბრტყელების კომბინაციას. რა იწვევს ბრტყელტერფიანობას? ბრტყელტერფიანობა შეიძლება იყოს როგორც თანდაყოლილი, ასევე შეძენილი. გამომწვევი მიზეზების მიხედვით გვხდება : ტრავმული ბრტყელტერფიანობა – ძირითადად, სახსრის დაზიანებით, ან ძვლების არასწორი შეხორცებით გამოწვეული; პარალიზური ბრტყელტერფიანობა -ვითარდება ნერვული სისტემის დაზიანების შედეგად ; რაქიტული ბრტყელტერფიანობა – ძირითადად გამოწვეულია ფოსფორის და/ან კალციუმისა ცვლის დარღვევით, ძვლების სირბილით და კუნთოვანი სისუსტით. სტატიკური ბრტყელტერფიანობა- ყველაზე გავრცელებული ფორმაა და მისი გამომწვევი მიზეზები შეიძლება იყოს გენეტიკური განწყობა, ფიზიკური დატვირთვის მნიშვნელოვანი ნაკლებობა, წონის მატება , ორსულობა და თქვენ წარმოიდგინეთ, არასწორად შერჩეული ფეხსაცმელიც კი. როგორ ამოვიცნოთ ბრტყელტერფიანობა? -სიმტომები, რომლებიც ყურადღების მიღმა არ უნდა დავტოვოთ: • დაღლილობის შეგრძნება ფეხებში • ტერფისა და კოჭ-წვივის სახსრების ტკივილი სიარულის და/ან დიდხანს დგომისას (ზოგჯერ ემატება თავის ტკივილი და ასევე ტკივილი ზურგის მიდამოში) • კოჭ-წვივის მიდამოს შესივება • ტერფის წაგრძელება, წინა ნაწილის შიგნით შებრუნება, ქუსლის გარეთ მოქცევა • ფეხის თითების დეფორმაცია • კოჟების განვითარება • ტერფის სიგანეში გაზრდა რა გართულებებს იწვევს ბრტყელტერფიანობა და როგორ გვეხმარება სუპინატორი? ბრტყელტერფიანობით გამოწვეული გართულებებია ამორტიზაციისა და დრეკადობის ფუნქციის დაქვეითება, ტანდეგობის დარღვევა, ტერფის წვრილი სახსრების ართროზი და სხვ. თუმცა პაციენტების უმეტესობა განსაკუთრებულ ყურადღებას ისეთ პრობლემებზე ამახვილებს, როგორიცაა ფეხების ტკივილი, დაღლილობისა და სიმძიმის შეგრძნება,კოჭ-წვივის არის შეშუპება და სიარულის მანერის შეცვლა . ალბათ, დაგვეთანხმებით რომ 21-საუკუნის ყოველდღიური რუტინისა და აჩქარებული ტემპისთვის სრულყოფილად ფეხის აწყობა, ზემოთ ჩამოთვლილ გართულებებთან ერთად, არც ისეთი მარტივია. საბედნიეროდ, თანამედროვე მედიცინა გვთავაზობს ბრტყელტერფიანობით გამოწვეული პრობლემების ეფექტური და მარტივი გადაწყვეტის საშუალებას, სუპინატორებს. სუპინატორები უზრუნველყოფს ტერფის ნორმალურ ყრდნობას როგორც დგომის, ასევე სიარულის დროს. გარდა, ამისა, მისი გამოყენება ხსნის ტკივილებსა და დაღლილობის, სიმძიმის შეგრძნებებს, ამცირებს კოჭ-წვივის არის შეშუპებას . თბილისი მედიკსა და მის რეგიონალურ ფილიალებში ( ,,ქუთაისი მედიკში’’, ,,ბათუმი მედიკში’’ ) წარმოდგენილია მყარი (ტყავის შემცვლელი) და სილიკონის მასალის სუპინატორების ფართო არჩევანი. ხელმისაწვდომია სხვდასხვა ზომის როგორც სტანდარტული, ასევე მაღალი თაღის სუპინატორები . როდის ვატაროთ სუპინატორი ? ბრტყელტერფიანობის შემთხვევაში სუპინატორის ტარება ყველგან საჭიროა. . მის შეძენამდე აუცილებელია, კონსულტაციისთვის მიმართოთ ორთოპედს, რათა სუპინატორი შერჩეული იქნას თქვენი ინდივიდუალური მდგომარეობის გათვალისწინებითა და ტერფის გამოკვლევევის შედეგების მიხედვით. ასევე, რეკომენდებულია მოერიდოთ სიმძიმის აწევას, დიდხანს დგომას და/ან სიარულს. ჩართეთ კონტრასტული შხაპი, თქვენს რუტინაში- მისი დახმარებით უმჯობესდება სისხლის მიმოქცევა, იზრდება კუნთოვანი ტონუსი. ასევე, ხანგრძლივი დატვირთვის შედეგად გამოწვეული დაღლილობისა და ტკივილის მოსახსნელად კარგია ზღვის მარილის თბილი აბაზანების მიღება. გახსოვდეთ, ისევე როგორც ნებისმიერი სხვა დაავადების შემთხვევაში, ბრტყელტერფიანობას დროულად მკურნალობა აუცილებელია, წინააღმდეგ შემთხვევაში დაავადებამ შეიძლება გამოიწვიოს წელის დისკის თიაქარი, რადიკულიტი და/ან ოსტეოქონდროზიც კი.