გლუკომეტრი - შაქრის დონის საზომი მოსახერხებელი და უზუსტესი აპარატი თბილისი მედიკისგან !

შაქრიანი დიაბეტი ფართოდ გავრცელებული ქრონიკული დაავადებაა, რომელიც ხასიათდება სისხლში გლუკოზის დონის მომატებით. მისი მართვა-მონიტორინგისათვის უმნიშვნელოვანესია შაქრის დონის ყოველდღიური და ამავე დროს, რუტინული კონტროლი. თანამედროვე მედიცინის წყალობით, ეს პროცესი ექიმისგან დამოუკიდებლად, სახლის პირობებში და ზედმეტი ძალისხმევის გარეშე, სპეციალური აპარატის-გლუკომეტრის მეშვეობითაა შესაძლებელი. გლუკომეტრის გამოყენება დაავდებულ პაციენტებსა და მათ მკურნალ ექიმებს საშუალებას აძლევს: შემცირდეს გლუკოზის უკიდურესი მაჩვენებლებით გამოწვეული რისკები • განხორციელდეს შაქრის დონის რუტინული მონიტრონიგი • ცვლილებების დინამიკის გათვალისწინებით, სწორად წარიმართოს ინსულინის თერაპია ამ თვალსაზრისით, თამამად შეიძლება ითქვას, რომ გლუკომეტრი შეუცვლელი მოწყობილობაა მკურნალობის ეფექტურობის მონიტრინგისათვის. ცოტა რამ შაქრიანი დიაბეტის შესახებ: შაქრიანი დიაბეტი ორი ტიპისაა. მიუხედავად იმისა, რომ ორივე მათგანისთვის დამხასიათებელია სისხლში გლუკოზის დონის მატება, ერთმანეთისგან განსხვავებული დაავადებებია: დიაბეტის პირველ ტიპს მედიკოსები ახასიათებენ, როგორც ავტოიმუნურ დაავადებას, რომლის დროსაც კუჭქვეშა ჯირკვალი ვერ ახორციელებს ინსულინის გამომუშავებას და შესაბამისად, არ ხდება სისხლში გლუკოზის დონის რეგულირება. ყოველივე ზემოთქმულიდან გამომდინარე ,დიაბეტის ამ ტიპით დაავადებული პაციენტებისთვის სასიცოცხლოდ მნიშვნელოვანია ინსულინის თერაპია. შაქრიანი დიაბეტის მეორე ტიპს მედიკოსები ახასიათებენ, როგორც მეტაბოლურ დაავადებას, რომლის დროსაც ორგანიზმში არ წარმოიქმნება საკმარისი რაოდენობით ინსულინი და/ ან დაქვეითებულია პერიფერიული ქსოვილების მგრძნობელობა ამ უკანასკნელზე. ამ დროს, ბუნებრივია, ირღვევა ნივთიერებათა ცვლის პროცესი და ფერხდება სხვადასხვა ორგანოების ჯანსაღი ფუნქციონირება. აუცილებლად უნდა აღინიშნოს, რომ გლუკომეტრის გამოყენება შესაძლებელი და რეკომენდებულია შაქრიანი დიაბეტის ორივე ტიპისთვის, იქნება ეს ეს I თუ II ტიპის. თბილისი მედიკში წარმოდგენილია მაღალი სიზუსტის, თანამედროვე და მრავალფუნქციური გლუკომეტრები: • იმახსოვრებს 900 ტესტის შედეგს თარიღითა და კონკრეტული საათით • იმახსოვრებს 7, 14, 30 დღის საშუალო მონაცემებს • ტესტის შეხსენების ფუნქცია ეხმარება პაციენტს რუტინის ჩამოყალიბებაში • კეტონის გაფრთხილება და ჰიპო გაფრთხილება ამცირებს გლუკოზის უკიდურესი მაჩვენებლებით გამოწვეულ რისკებს • აღჭურვილი Micro-USB პორტითა და bluetooth-ით , რაც უზრუნველყოფს მონაცემთა სწრაფ გადაცემას კომპიუტერზე, თუ სხვა ციფრულ მოწყობილობებზე • აქვს ავტომატური გამორთვის რეჟიმი ბოლო მოქმედებიდან 2 წუთში როგორ გამოვიყენოთ გლუკომეტრი სწორად? იმისათვის, რომ ტესტის შედეგები იყოს ზუსტი და არ დამახინჯდეს, საჭიროა მხოლოდ რამდენიმე რეკომენდაციის დაცვა: ტესტის ჩატარებამდე დაიბანეთ ხელების თბილი წყლით და კარგად გაიმშრალეთ, არ გამოიყენოთ ალკოჰოლური შემცველობის ხსნარები, ბიო მასალა (სისხლი) უნდა აიღოთ ერთი და იმავე იმავე ადგილიდან (ყველაზე ხშირად ხელის თითი), რადგან მისი შემადგენლობა სხეულის სხვადასხვა ნაწილში შეიძლება განსხვავდებოდეს. ყურადღება მიაქციეთ დროს- ტესტირება დაუყოვნებლივ უნდა ჩატარდეს მას შემდეგ, რაც პუნქცია გაკეთდება კანზე კალამი-პირსერით, წინააღმდეგ შემთხვევაში სისხლი გასქელდება და შემადგენლობა შეიცვლება, რაც ბუნებრივია იმოქმედებს ტესტის შედეგების სიზუსტეზე.