სამედიცინო ნივთები, რომელიც მწოლიარე პაციენტის მდგომარეობას ამსუბუქებს და მის მოვლას ამარტივებს

მწოლიარე პაციენტის მოვლა სახლის პირობებში განსაკუთრებულ სირთულეებთანაა დაკავშირებული. ერთის მხრივ, ყოველდღიური ჰიგიენის, მკურნალობისა და ზოგადად, რეაბილიტაციის პროცესი დიდ ძალისხმევას მოითხოვს მომვლელის მხრიდან,ხოლო მეორეს მხრივ, პრობლემურია თავად ავადმყოფის მდგომარეობა. მას ესაჭიროება განსაკუთრებული ხელშეწყობა როგორც მორალურად, ასევე ადაპტირებული გარემოს შექმნით. სამედიცინო პროდუქციის მწარმოებელი კომპანიების წყალობით, თანამედროვე პირობებში, არსებობს უამრავი ნივთი, რომელიც მწოლიარე პაციენტს ყოველდღიურ ყოფას უმსუბუქებს, ახდენს მდგომარეობის გართულების პრევენციასა და ამასთან, მნიშვნელოვნად ამარტივებს მის მოვლასთან დაკავშირებულ სირთულეებს.

თბილისი მედიკში, წარმოდგენილია პაციენტის მოვლისთვის საჭირო სამედიცინო ნივთების დიდი ასორტიმენტი, როგორიცაა მაგალითად: სამედიცინო ავეჯი, ნაწოლების ლეიბები და რგოლები, ორთოპედიული ფიქსატორები , სამარჯვები და ბალიშები, ეტლები, ჟანგბადის აპარატები, პაციენტის ჰიგიენისთვის საჭირო საშუალებები და სხვ. განვიხილოთ ზოგიერთი მათგანი:

ნაწოლების ლეიბი და რგოლი - ეს პროდუქტები ერთდროულად ამსუბუქებს კიდეც მწოლიარე პაციენტის მდგომარეობას (ნაწოლებით გამოწვეული დაზიანებები) და ამასთან, ახდენს ნაწოლების გაჩენის პრევენციასაც. რეკომენდებულია პროფილაქტიკის, მკურნალობისა და გრძელვადიან თერაპიისთვის.

ნაწოლების ლეიბი განსხვავდება პაციენტის წონის მიხედვით, მისი ტალღისებური ზედაპირი უზრუნველყოფს ჰაერის ცირკულაციას და ასრულებს მასაჟს, შესაბამისად უკეთ მოძრაობს სისხლი, რაც ხელს უშლის წყლულების წარმოქმნას.

ლეიბის კომპლექტაციაში შედის უშუალოდ ლეიბი და კომპრესორი. სწორედ ამ უკანასკნელის მეშვეობით იბერება ლეიბი, მონაცვლეობითი რეჟიმით. კომპრესორი იძლევა სიჩქარისა და სიმყარის კონტროლის შესაძლებლობას.

რაც შეეხება ნაწოლის მოვლისთვის განკუთვნილ გასაბერ რგოლებს ისინი განსხვავდება ზომების მიხედვით, გამოიყენება ლოკალურად, საჭიროების ადგილას: კონკრეტული მიდამოს დაკიდულ მდგომარეობაში ფიქსაციითა და სისხლძარღვების კომპრესიის თავიდან აცილებით, რგოლი ხელს უწყობს როგორც წყლულების პრევენციას, ასევე მკურნალობის პროცესს.

 

 

პაციენტის ელექტრო ამწე მოგეხსენებათ, რომ მწოლიარე პაციენტის აწევა მომვლელისთვის საკმაოდ დიდ სირთულეს წარმოადგენს, პაციენტის ელექტრო ამწე, იდეალურია ამ პროცესის გასამარტივებლად. ეს არის დასაკეცი, პორტატული, თანამედროვე მოწყობილობა , რომელიც მომვლელს საშუალებას აძლევს, რომ დამოუკიდებლად, სხვების დახმარების გარეშე, ხელის კონტროლერით, სრულიად უსაფრთხოდ აწიოს პაციენტი.

აღარ არის საჭირო ზედმეტი ძალისხმევა, იქნება ეს სხვისი დახმარება თუ სრული დატვირთვის საკუთარ თავზე აღება. ამწის კომლექტაციაში შედის მრავალჯერადად დამუხტვის ელემენტი და პაციენტის ორმაგი საკიდი. უძლებს 150 კგ დატვირთვასაც კი და რა თქმა უნდა, სრული კომფორტისთვის აღჭურვილია ბორბლებით.

 

პაციენტის ჰიგიენა - მწოლიარე პაციენტის ჰიგიენისათვის, არჩევანი შეგიძლიათ გააკეთოთ სამედიცინო საშუალებებზე, რომლებიც არ საჭიროებს წყლით ჩამობანას და თავის დასაბან გასაბერ ნიჟარაზე სადრენაჟო მილით. სხეულისა და მისი ნაწილობრივი დამუშავების საშუალებებია:     

ჰიგიენური ხელთათმანები, რომლებიც გაჟღენთილია დასაბანი ლოსიონით უზრუნველყოფს ჰიგიენის შენარჩუნებას საკუთარი თავის მოვლის უნარშეზღუდული პაციენტებისათვის.

ჰიპოალერგიული ლოსიონი -აშორებს ჭუჭყს და გაშრობისას კანზე ქმნის დამცავ ფენას, რომელიც სველი ხელსაწმენდის საშუალებით სცილდება კანის საფარველს და ატენიანებს კიდეც მას. 

შამპუნი მწოლიარე პაციენტებისთვის- ასევე შესანიშნავად აცილებს ჭუჭყსა უსიამოვნო სუნს თმიდან. შამპუნის შექმნისას გამოყენებულია ფორმულა, რომელიც უზრუნველყოფს თმაზე დარჩენილი პროდუქტის უვნებლად დაშლას.

მიუხედავად იმისა, რომ ჩამოთვლილი პროდუქტებიდან არცერთი მათგანი არ საჭიროებს ჩამობანას, ეს პროდუქცია მეტად ეფექტურად ასუფთავებს სხეულს და თავის კანს, ვიდრე საპონი და წყალი; არ აშრობს, არ აღიზიანებს კანის ზედა შრეს და და რაც მთავარია, ვინაიდან არ საჭიროებს პაციენტის გადაადგილებას, თუ აბაზანის განსაკუთრებული დეზინფექციას, ნაკლებ დროსაც მოითხოვს და ენერგიასაც.

 

და ბოლოს, თავის დასაბანი გასაბერი ნიჟარა სადრენაჟო მილით:

ეს არის პორტატული მოწყობილობა, რომლის გამოყენება შესაძლებელია სასურველ ადგილას, იქნება ეს ლოგინი თუ ეტლი. კომპლექტაციაში შედის ნიჟარა, წყლის ტომრის ნაკრები, პლასტიკური მილი და კაბელი. აღჭურვილია სანიაღვრე საცობით, რომელიც დაკავშირებულია მილით ჭუჭყიანი წყლის გამოსადევნად გამოყენების დროს ან  მასშემდეგ, წყლის რესურსებზე წვდომისათვის. სარეცხი მოწყობილობა ასევე აღჭურვილია შხაპის თავით და რეგულირებადი სამაგრით წყლის ნაკადის კონტროლის გასაადვილებლად.