ფეტალური დოპლერი -მოუსმინეთ თქვენი პატარას გულისცემას ყველგან!

შვილის მოლოდინი გამორჩეული და ემოციებით სავსე პერიოდია, განსაკუთრებით მომავალი დედებისთვის. ორსულობის მიმდინარეობის მუდმივი მონიტორინგი, ერთის მხრივ, საჭიროებიდან გამომდინარეობს, ხოლო მეორეს მხირვ- მომავალი დედების სიმშვიდეს უზრუნველყოფს. მათ ყველაფერი აინტერესებთ საკუთარ პატარებზე: როგორ არის, როგორ ვითარდება, რას გრძნობს და ა.შ. ნაყოფის გულისცემის მოსმენა სწორედ იმ უბედნიერეს წუთებს მიეკუთვნება, რომლებიც არცერთ მომავალ დედას არ ჰბეზრდება, მეტიც- ისინი დღეებს ითვლიან ექიმთან გეგმიურ ვიზიტამდე ამისთვის. თანამედროვე პირობებში, სამედიცინო პროდუქციის მწარმოებელი კომპანიები, არა მხოლოდ აუცილებელ სამედიცინო პროდუქციას სთავაზობენ ადამიანებს, არამედ ისეთ ნივთებსაც, რომლებიც შესაძლებელს ხდის სამედიცინო მანიპულაციები სახლის პირობებში, ექიმებისგან დამოუკიდებლად განხორციელდეს. სწორედ ასეთია ნაყოფის ულტრაბგერითი დოპლერი. ის სხვდასხვა ბრენდის წარმოების და ასევე სხვდასხვა მახასიათებლებით გვხვდება გაყიდვაში, თუმცა მთავარი დანიშნულება თითოეულისთვის ერთია - ნაყოფის გულისცემის მონიტორინგი. რა არის ფეტალური დოპლერი? ფეტალური დოპლერი არის პორტატული მოწყობილობა, რომელიც საშუალებას აძლევს მომავალ დედებს რომ მოუსმინონ და ჩაიწერონ ნაყოფის გულისცემა ორსულობის მე-12 კვირიდან. იგი იყენებს ხმის ტალღებს ნაყოფის გულისცემის შესამოწმებლად. საინტერესოდ ჟღერს არა? -ექიმთან ვიზიტებს შორის,სახლში შვილის გულისცემის მოსმენის იდეა, ალბათ მიმზიდველია. ეს მოწყობილობა საკმაოდ კომპაქტური და მოსახერხებელია არა მხოლოდ სახლში, არამედ სამგზავროდ, შესაბამისად იძლევა შესაძლებლობას მოისმინოთ საკუთარი პატარას გულისცემა ყველგან, სადაც ამის სურვილსა და საჭიროებას იგრძნობთ. მისი გამოყენება ასევე ამსუბუქებს ორსულებისთვის ასე დამახსიათებელ შფოთვას საკუთარი პატარების მდგომარეობის შესახებ და ეხმარება მათ უფრო მეტად იგრძნონ კავშირი შვილთან. ,,თბილისი მედიკ''-ში წარმოდგენილია სხვდასხვა ბრენდის და მახასიათებლების მქონე დოპლერები, რომელთაც გამოარჩევს: • მონაცემების მაღალი სიზუსტე; • მოსახერხებელი და კომპაქტური დიზაინი; • აპარატის სისტემის სიმარტივე გამოსაყენებლად; • და, რაც მთავარია, უსაფრთხოება; უსაფრთხოა, თუ არა ფეტალური დოპლერის გამოყენება ? დოპლერის გამოყენება, რა თქმა უნდა, უსაფრთხოა. მის მუშაობას ნაყოფზე უარყოფითი გავლენა არ აქვს. ფეტალური დოპლერების უმეტესობის ულტრაბგერითი სიხშირე 3 მეგაჰერცია , მაშინ როდესაც მაგალითად, ულტრაბგერითი კვლევის ჩატარებისას ეს მაჩვენებელი 10 მეგაჰერცს, ან მეტს აღწევს. თუმცა, ნებისმიერ შემთხვევაში, მნიშვნელოვანია იცოდეთ სახლის პირობებში ნაყოფის დოპლერის გამოყენების დეტალური ინსტრუქცია, სანამ მას გამოიყენებთ . ამიტომ, თუკი დოპლერის შეძენას გადაწყვეტთ, კარგი იქნება გაიაროთ კონსულტაცია თქვენს ექიმთან. და კიდევ ერთი, სახლის ნაყოფის დოპლერი ვერ ჩაანაცვლებს ექიმთან ვიზიტს, ის განკუთვნილია ექიმთან ვიზიტებს შორის და არა ექიმთან ვიზიტების ნაცვლად.