კინეზიო ტეიპი - ეფექტური საშუალება სპორტული ტრავმების, ძვალ-კუნთოვანი პათოლოგიებისა და ანთებითი დაავადებების სამკურნალოდ

ლენტი, როგორც თერაპიული ტექნიკა მედიცინაში გამოიყენებოდა დაახლოებით 1800-იანი წლებიდან, თუმცა ელასტიური ლენტი, როგორიცაა კინეზიო ტეიპი ახლახან საკმაოდ პოპულარული გახდა სარეაბილიტაციო ინდუსტრიაში. იგი ჩვეულებრივ გამოიყენება კუნთებისა და სახსრების დაზიანებების , ძვალ-კუნთოვანი პათოლოგიებისა და ანთებითი დაავადებების პროფილაქტიკისა და მკურნალობისათვის.

რა არის კინეზიო ტეიპი?

კინეზიო ტეიპი დასაკრავი ლენტია, რომელიც დამზადებულია წყალგამძლე ელასტიური სამედიცინო ქსოვილისგან. მას გამოიყენებენ დაზიანებული კუნთებისა და სახსრების სამკურნალოდ, სხვადასხვა ასაკის პაციენტებში-პედიატრიიდან ხანდაზმული ასაკის ჩათვლით. კინეზიო ტეიპი შედგება ბამბის, ელასტიური ძაფებისგან და უაღრესად გამძლე წებოვანი მასალისგან. როგორც აღვნიშნეთ, შექმნილია სხეულის ბუნებრივი შეხორცების პროცესის წასახალისებლად დაზიანებული კუნთებისა და სახსრების სამკურნალოდ. კინეზიო ტეიპი იმდენად არის ადამიანის კანის იდენტური ელასტიურობით, რომ არ ზღუდავს სხეულის მოძრაობის დიაპაზონს და შეუძლია გაახანგრძლივოს რეაბილიტაციის სპეციალისტების, მათ შორის ფიზიოთერაპევტების მიერ ჩატარებული მანუალური თერაპიის სარგებელი. გარდა ძვალ-კუნთოვანი პრობლემების თერაპიისა, კინეზიო ტეიპი აქტიურად გამოიყენება კოსმეტოლოგიაში ნაოჭებთან საბრძოლველად.

კინეზიო ტეიპის უპირატესობები:

კინეზიო ტეიპის სწორად გამოყენების შემთხვევაში, ის ქმნის სივრცეს კუნთსა და დერმის ფენებს შორის, რაც ამცირებს ზეწოლას დაზიანებულ კუნთებზე, ამცირებს ტკივილს და ლოკალიზებულ მწვავე ანთებას, ასევე ხელს უწყობს კუნთის აქტივობას, ამცირებს მასზე დატვირთვას, აუმჯობესებს სისხლის მიმოქცევას და აქრობს შეშუპებას. გარდა ამისა, ის ასტიმულირებს დაზიანებული კუნთისთვის ჟანგბადის მიწოდებას და აღადგენს მის სიმკვრივეს. კინეზიო ტეიპი არის ჰიპოალერგიული, წყალგამძლე დასაკრავი ლენტი, რომელიც არ ზღუდავს მოძრაობის დიაპაზონს. მისი ტარება შესაძლებელია რამდენიმე დღის განმავლობაში , მათ შორის ინტენსიური ვარჯიშის, შხაპის მიღების, ან ცურვის დროს. მაქსიმალურად იდენტურია ადამიანის კანისა და მარტივად შრება პირსახოცით . როგორც აღვნიშნეთ, კინეზიო ტეიპი ასევე აქტიურად გამოიყენება კოსმეტოლოგიაშიც: ის ინექციური პროცედურების გარეშე ებრძვის ნაოჭებს, მნიშვნელოვნად აუმჯობესებს კანის მდგომარეობას და აქრობს შეშუპებას, განსაკუთრებით თვალების გარშემო.

სად შეიძლება კინეზიო ტეიპის შეძენა?

უმაღლესი ხარისხის კინეზიო ტეიპების შეძენა შესაძლებელია სამედიცინო კომპანია თბილისი მედიკის შოურუმებში- თბილისში, ქუთაისსა და ბათუმში . ჩვენთან წარმოდგენილია სხვდასხვა ზომისა და ფერის ტეიპები, რომლებიც ერთმანეთისგან განსხვავდება ასევე დანიშნულებითაც. შეძენა შესაძლებელია ასევე ონლაინ, ვებ-გვერდის საშუალებით ( იხ. ბმული: https://www.tbilisimedic.ge/products/13226 ) . მოქმედებს ადგილზე მიტანის სერვისი საქართველოს მთელ ტერიტორიაზე. თქვენ ასევე შეგიძლიათ ისარგებლოთ 20%-იანი ფასდაკლებით, SOLO ბარათით გადახდის შემთხვევაში.

აქვს თუ არა უკუჩვენებები კინეზიო ტეიპის გამოყენებას?

მიუხედავად იმისა, რომ მისი ტარება უსაფრთხოა მრავალი პაციენტისთვის და წარმატებით მკურნალობს სხვადასხვა მდგომარეობას, მიზანშეწონილია მის შეძენამდე მიმართოთ თქვენს ფიზიოთერაპევტს, რათა დარწმუნდეთ, რომ ეს სწორი ვარიანტია თქვენი მდგომარეობისთვის. გარდა ამისა, სპეციალისტი მოგაწვდით გაცილებით მეტ ინფორმაციას მისი სწორად გამოყენების შესახებ, თქვენი ინდივიდუალური მდგომარეობის გათვალისწინებით და შესაბამისად, ეს საშუალებას მოგცემთ მიიღოთ თერაპიის ოპტიმალური სარგებელი.