ორთოპედიული ბალიში- თქვენი პატარების მშვიდი და ჯანსაღი ძილისთვის

ძილი აუცილებელია არა მხოლოდ სხეულის დასასვენებლად, არამედ ტვინისა და კუნთების რეგენერაციისთვის. მას დიდი გავლენა აქვს ადამიანის ჯანმრთელობაზე. ჯანსაღი ძილისთვის ემოციურ სტაბილურობასთან ერთად, მნიშვნელოვანია სწორი პოზიცია, სწორად შერჩეული ბალიში და ბუნებრივი მასალა. ზრდასრულთა უმეტესობისთვის ბალიში კომფორტული დასვენებისა და გამოძინების აუცილებლობაა, თუმცა, ბავშვების შემთხვევაში ყველაფერი გაცილებით საყურადღებოა. ჩვეულებრივ, თითოეული ბავშვი დღეში 12 საათს ატარებს ძილში. ეს საკმაოდ დიდი დროა იმისათვის, რომ ძილის არასწორი პოზიციის შემთხვევაში, პატარას ხერხემლის პრობლემები შეექმნას. სწორედ ამიტომ, მიზანშეწონილია, რაც შეიძლება კარგი პირობები შევუქმნათ ბავშვებს ძილისთვის. საუკეთესო რაც ამისათვის შეგვიძლია გავაკეთოთ, ეს არის კარგი ბალიშის შერჩევა, რომელიც უზრუნველყოფს კომფორტისა და სხეულის სწორ პოზიციაში დაფიქსირების კომბინაციას, უსაფრთხო ძილისთვის.

როგორ უზრუნველვყოთ ბავშვის სხეულის სწორი პოზიცია ძილის დროს?

ძილის დროს სხეულის სწორი პოზიციის უზრუნველყოფა, სამწუხაროდ, ტრადიციული ბალიშების გამოყენებისას თითქმის შეუძლებელია. ვინაიდან, ხერხემალი სათანადო პოზიციაში არ ფიქსირდება, რაც ზრდის კისრის კუნთების ასიმეტრიის რისკს, შეიძლება გამოიწვიოს თავის ტკივილებიც. სპეციალისტების რეკომენდაციით, პატარების ჯანსაღი ძილის უზრუნველსაყოფად, იდეალური საშუალებაა პედიატრიული ორთოპედიული ბალიში. ორთოპედიული ბალიში შექმნილია სპეციალურად ბავშვებისთვის და მისი ანატომიური ფორმა კისრისა და მხრების საყრდენით, უზრუნველყოფს ხერხემლის სწორ პოზიციაში დაფიქსირებას ძილის პერიოდში. გარდა იმისა, რომ მისი გამოყენება ეხმარება ბავშვს კარგად დასვენებასა და გამოძინებაში, ორთოპედიული ბალიში ასევე ამცირებს თავის ტკივილის, ხერხემლის დეფორმაციისა და/ან კისრის ასიმეტრიული მატონიზირებელი რეფლექსის რისკებს.

თბილისი მედიკის შოურუმებში-თბილისში, ქუთაისსა და ბათუმში, წარმოდგენილია პედიატრიული ორთოპედიული ბალიშის დიდი არჩევნი, რომლებიც:  

• დამზადებულია სრულად ჰიგიენური მასალით,
• ხელს უწყობს თავის ქალის ანატომიურ ჩამოყალიბებას,
• ხერხემლის სწორი პოზიციის დაფიქსირებას ,
• სპეციალური შრის მეშვეობით ახდენს ჰაერის ცირკულაციას და ამასთან, სითბოს და ტენიანობის მარეგულირებელი შესანიშნავი თვისებებით უზრუნველყოფს კომფორტულ საძილე გარემოს.

 

ორთოპედიული ბალიშები - რეკომენდაცია და დანიშნულება:

მნიშვნელოვანია, გაითვალისწინოთ რომ პედიატრიული ორთოპედიული ბალიში, ექიმის რეკომენდაციის მიხედვით უნდა იყოს შერჩეული . სპეციალისტები გვირჩევენ, რომ არ გადავწყვიტოთ ბალიშის საჭიროება მათ გარეშე, ვინაიდან საუკეთესო პედიატრიული ორთოპედიული ბალიშიც კი შეიძლება არა მხოლოდ ზედმეტი არამედ მავნეც კი აღმოჩნდეს ბავშვისთვის. სჭირდება თუ არა ბავშვს ბალიში, ამის თაობაზე კვალიფიციური ინფორმაციის მიღება შეგიძლიათ პედიატრის, ნევროლოგის ან ორთოპედისგან . სამედიცინო ჩვენებების, და ბავშვის ინდივიდუალური მდგომარეობის გათვალისწინებით. ორთოპედიული ბალიშები განსხვავდება ფორმის, ზომის, შემავსებლის ტიპის, სიმკვრივისა და საფარის მასალის მიხედვით.

ძირითადად, მათი გამოყენება რეკომენდებულია :

• ხერხემლის დეფორმაციების შემთხვევაში

• თავის ქალის ძვლების დეფორმაციის შემთხვევაში

• კისრის და მხრების კუნთების დისბალანსისას

• და რა თქმა უნდა ხერხემლის ჯანმრთელობის შესანარჩუნებლად