TBILISI MEDIC-ი SonoScape -ის ექსკლუზიური დისტრიბუტორი გახდა!
თბილისი მედიკი წარმატებით აგრძელებს საქმიანობას ქართულ სამედიცინო სფეროში თანამედროვე ტექნოლოგიების დასანერგად და განსავითარებლად. მიმდინარე წელს, კომპანია კიდევ ერთხელ მოექცა სამედიცინო სექტორის ყურადღების ქვეშ, მნიშვნელოვანი სიახლით- თბილისი მედიკი თანამედროვე სამედიცინო აპარატურის მწარმოებელი ბრენდის, SonoScape-ის ექსკლუზიური დისტრიბუტორი გახდა საქართველოში .
SonoScape, უკვე მრავალი წელია, მსოფლიოს მასშტაბით მოქმედ სამედიცინო დაწესებულებებს მაღალი ხარისხის ულტრაბგერითი და ენდოსკოპიური აპარატების მრავალფეროვანი არჩევანით ამარაგებს. კრისტალურად სუფთა, კონტრასტული გამოსახულებისა და მაღალი გარჩევადობის წყალობით, ასევე მრავალფუნქციური, მძლავრი პროცესორების მეშვეობით, რომლებიც სამედიცინო პროცედურების ეფექტურობასა და სიზუსტეს აუმჯობესებს, SonoScape განსაკუთრებით მოთხოვნადია სამედიცინო ბაზარზე. დაარსების დღიდან, ბრენდი ორიენტირებულია სამედიცინო აღჭურვილობის ინოვაციასა და განვითარებაზე, რაც სპეციალისტებს ზუსტი დიაგნოზისა და ნაკლებად ინვაზიური მკურნალობის მეთოდების შესაძლებლობებს უხსნის.
მსოფლიოს მოწინავე მწარმოებლებთან თანამშრომლობით , თანამედროვე და მაღალტექნოლოგიურ სერვისებთან/პროდუქტებთან უწყვეტი წვდომით, თბილისი მედიკი ხელს უწყობს საქართველოს სამედიცინო სფეროს განვითარებას და პირნათლად ასრულებს საკუთარ მისიას– გაუმარტივოს ადამიანებს ჯანმრთელობაზე ზრუნვა.
SonoScape-თან ექსკლუზიური თანამშრომლობისა და საინჟინრო მომსახურების ფარგლებში, თბილისი მედიკი არა მხოლოდ თანამედროვე აპარატურით ამარაგებს პარტნიორ დაწესებულებებს, არამედ უზრუნველყოფს დროული და ეფექტური ტექნიკური მხარდაჭერითაც: კომპანიის სერტიფიცირებული საინჟინრო მომსახურების გუნდი ახორციელებს აპარატურის ინსტალაციას, ტექნიკურ მონიტორინგს, ინსტრუქტაჟის გაწევას, ხარვეზის აღმოფხვრასა და სხვა საველე მომსახურებებს, რომლებიც მიმართულია პარტნიორთა შეუფერხებელ საქმიანობასა და კომფორტზე.
უკვე 12 წელია, თბილისი მედიკ-ის წყალობით, საქართველოში ხელმისაწვდომია მსოფლიო სამედიცინო საზოგადოების მიერ აღიარებული სხვდასხვა ამერიკული, ევროპული და აზიური ბრენდები, რაც ქართულ სამედიცინო სფეროს მნიშვნელოვნად ეხმარება ფუნქციონირებაში, ხოლო მოქალაქეებს კი მრავალფეროვან არჩევანს უქმნის. დღეს, თბილისი მედიკ-ი კომპანია საქართველოში ოფიციალურად და ექსკლუზიურად წარმოადგენს ისეთ ბრენდებს, როგორებიცაა მაგალითად : გლობალური ბრენდები Johnson & Johnson და Bausch and Lomb, Ortho-clinical Diagnostic და ASP -აშშ, იაპონური ბრენდი Nidek, ჩინური ბრენდები Mindray და SonoScape, თურქული ბრენდი Turmed და სხვა.