მკერდის ელექტრო სატუმბი მეძუძური დედებისთვის

მკერდის ელექტრო სატუმბი  მეძუძური დედებისთვის

დედის რძე საუკეთესო საკვებია ბავშვისათვის, განუზომელია მისი სასარგებლო თვისებები და შესაბამისად, აღიარებულია  კიდეც ბავშვთა კვების „ოქროს სტანდარტად“ .

ძუძუთი კვება  უზრუნველყოფს ბავშვის ადეკვატურ ზრდა-განვითარებას, მის ფსიქო-ემოციურ განვითარებას, იმუნური სისტემის გაძლიერებასა და  ჯანმრთელობას. დედისთვის ეს არის ლოგინობის პერიოდში სისხლდენის თავიდან აცილების საუკეთესო საშუალება და ამასთან, ხელს უწყობს საშვილოსნოს ნორმალურად შეკუმშვის პროცესს.

სამედიცინო საზოგადოება ასევე თანხმდება, რომ ძუძუთი კვება არამხოლოდ ჩვილის ჯანმრთელობის თვალსაზრისით  ასრულებს მნიშვნელოვან როლს, არამედ დედა-შვილს შორის უნიკალური კავშირის დამყარებასაც უწყობს ხელს.

რა შემთხვევებში ხდება საჭირო რძის გამოდევნა ( ,,გამოწველა’’)?

რძის გამოდევნა და მკერდის  დაცლა ხელს უწყობს  ახალი რძის უფრო ინტენსიურ წარმოქმნას, თუმცა არსებობს სხვა  გარემოებები, რომლებიც ასევე საჭიროს ხდის რძის გამოდევნას. მაგალითად, თუკი დედა ვერ ახერხებს კვების განრიგით გათვალისწინებულ დროს ახალშობილთან ყოფნას და საჭიროა  მარაგის დატოვება პატარასათვის.  რიგ შემთხვევებში, რძის ხელოვნურად გამოდევნა აუცილებელი ხდება დედის ჯანმრთელობის მდგომარეობის გამო. მაგალითად, დედებს, რომლებსაც უნიშნავენ ძუძუთი კვებასთან შეუთავსებელი წამლების კურსს, ასევე მოუწევთ რძის გამოდევნა  რომ არ შეჩერდეს ლაქტაციის პროცესი და მკურნალობის კურსის დასრულების შემდეგ, ქალმა კვლავ შეძლოს   ბავშვის ბუნებრივი გამოკვება.

გარდა ზემოთაღნიშნულისა, ექიმების რეკომენდაციით,  მკერდის სატუმბის გამოყენება  აუცილებელია:

ლაქტაციის  პროცესის სტიმულირებისათვის ბავშვის დაბადების პირველ დღეებში-   იმისათვის, რომ რძის გადინება დაიწყოს, საჭიროა სარძევე ჯირკვლების სტიმულირება ბავშვის დაბადებიდან პირველივე  დღეებში , თუკი ეს ვერ ხერხდება მაშინ მეძუძურ დედებს შეუძლიათ გამოიყენონ მკერდის სატუმბი, რეგულარულად,  დაახლოებით 2 საათში ერთხელ.

ლაქტაციის სტიმულირებისათვის რძის დეფიციტის შემთხვევაში- მკერდის ტუმბოს გამოყენება მნიშვნელოვნად ზრდის  წარმოებული რძის მოცულობას. ამისათვის,  მთავარია, აპარატი გამოყენებული იქნას  ყოველი კვების შემდეგ, რომ მკერდი სრულად დაიცალოს. შედეგი კი  თვალსაჩინო იქნება ყოველ მომდევნო კვებაზე.

თანამედროვე მწარმოებლები გვთავაზობენ მკერდის სატუმბების დიდ არჩევანს,  უფრო და უფრო ახალ, დახვეწილ  მოდელებს. სწორედ ასეთია ელექტრო სატუმბი, რომელზეც დღეს  ვისაუბრებთ და რომლის შეძენაც, სხვა სამედიცინო პროდუქციასთან ერთად, შესაძლებელია თბილისი მედიკში, როგორც ონლაინ ადგილზე მიტანის სერვისის გამოყენებით,  ასევე  შოურუმებში -თბილისში, ბათუმსა და ქუთაისში.

მკერდის ელექტრო სატუმბი  

მკერდის ელექტრო სატუმბი ეფექტური და კომფორტული  საშუალებაა მეძუძური დედებისათვის.  სატუმბის მთავარი ამოცანაა ახალგაზრდა დედებისთვის ცხოვრების გამარტივება. მისი დახმარებით შესაძლებელია საჭირო რაოდენობის რძის შეგროვება  დიდი ფიზიკური ძალისხმევის გარეშე.   ავტომატური სისტემის მეშვეობით, სატუმბი  მნიშვნელოვნად აჩქარებს  რძის გამოყოფის პროცესს. რა თქმა უნდა, რძის გამოდევნა შეიძლება გაკეთდეს ხელითაც, თუმცა 

მკერდის ელექტრო სატუმბის   უპირატესობებია :

• რძის დიდი რაოდენობით გამოდევნის უნარი მოკლე დროში;
• პროცესი ხორციელდება ავტომატურად და დედის ხელები თავისუფალია
• მარტივია გამოსაყენებლად  და არ საჭიროებს  განსაკუთრებულ  ძალისხმევას;
• აძლიერებს ზეწოლას იმპულსურ საფუძველზე და შესაბამისად, უკეთესად ახდენს ბავშვის კვების იმიტაციას სხვა მოწყობილობებთან შედარებით
• რეჟიმის რეგულირება შესაძლებელია სურვილისამებრ
• არის მოდელები, რომლებიც საშუალებას იძლევა ერთდროულად დამუშავდეს და შეგროვდეს რძე ორივე მკერდიდან

რამდენ ხანს შეიძლება  შეგროვებული  რძის შენახვა?

რაც შეეხება შეგროვებული რძის ბავშვის საკვებად გამოყენების ვადას, ეს უკანასკნელი დამოკიდებულია შენახვის  პირობებზე, თუმცა ზოგადად:

• ოთახის ტემპერატურაზე შენახული დედის რძე 6 საათის განმავლობაშია ვარგისი და  უმჯობესია, გამოყენებული იქნას 4 საათის განმავლობაში.
• ტრანსპორტირებისთვის  კი უპრიანია,  მოთავსდეს  ის ყინულის პაკეტებში.