10 მიზეზი, თუ რატომ უნდა გამოიყენოთ ჰაერის დამატენიანებელი სახლსა და ოფისში
10 მიზეზი, თუ რატომ უნდა გამოიყენოთ ჰაერის დამატენიანებელი სახლსა და ოფისში
სახლში/ოფისში ჰაერში ტენიანობის შემცირება, ხშირ შემთხვევაში, ისეთი პრობლემების მიზეზი ხდება, როგორიცაა თავის ტკივილი, შებოჭილობა გულმკერდის არეში, გართულებული სუნთქვა, სისუსტე და დაღლილობა. ჰაერის ტენიანობის ოპტიმალური დონე გავლენას ახდენს, ასევე ოთახის მცენარეების ზრდა-განვითარებასა და თქვენ წარმოიდგინეთ, ავეჯის მდგომარეობაზეც კი.
როდესაც შენობაში ჩართულია გამათბობელი , მისი მუშაობის პარალელურად ტენიანობის დონე 20-30%-მდე ეცემა, იგივე შეიძლება ითქვას განსაკუთრებით მშრალი ამინდის შემთხვევაშიც. პრობლემის გადაწყვეტის მარტივი და კომფორტული საშუალებაა, ჰაერის დამატენიანებლის გამოყენებაა. მისი მეშვეობით, შესაძლებელია ჰაერის მტვრისგან გასუფთავება და ტენიანობის ოპტიმალური დონის შენარჩუნება .
სტატიაში, თქვენ გაეცნობით 10 საინტერესო მიზეზს, თუ რატომ უნდა გამოიყენოთ ჰაერის დამატენიანებელი სახლსა და ოფისში :
- ხელს უწყობს კანის ბუნებრივ რეჰიდრატაციას
შენობაში ტენიანობის დაცემასთან ერთად, კანი ასევე იწყებს ტენიანობის დაკარგვას, რაც ხშირ შემთხვევაში იწვევს მის დაჭიმვას, სიმშრალის, ქავილისა და ქერცლის შეგრძნებას.
მშრალმა ჰაერმა შეიძლება გამოიწვიოს, ასევე სხვადასხვა სახის პრობლემები ხელებსა და ტუჩებზე. ამ მიდამოებში კანი შედარებით ნაზია და განთავსებულია ნაკლები ცხიმოვანი ჯირკვლები, ვიდრე სხეულის სხვა ნაწილებზე, შესაბამისად, ისინი განსაკუთრებით დაუცველია ტენიანობის დაკარგვის მიმართ, ადვილად შრება და სკდება.
დამატენიანებლის გამოყენება კი უზრუნველყოფს სახლში/ოფისში ჰაერში ტენიანობის შენარჩუნებას, ხელს უწყობს სიმშრალესთან დაკავშირებული საერთო სიმპტომების შემსუბუქებასა და ასევე, კანის ბუნებრივ რეჰიდრატაციას.
- იცავს ყელს- ამშვიდებს და ატენიანებს მას
ხანგრძლივი დროით ისეთ შენობაში ყოფნამ, სადაც ჰაერის არასაკმარისი ტენიანობაა, შესაძლებელია ხმის იოგები ისე დააზიანოს, რომ გამოიწვიოს ხმის ჩახლეჩვა ან დაკარგვა. განსაკუთრებით ისეთ შემთხვევებში, როდესაც ადამიანს ახალგადატანილი აქვს ვირუსი .
სახლში ტენიანობის ოპტიმალური დონის შენარჩუნება დაგეხმარებათ ყელის დატენიანებასა და დამშვიდებაში. რაც თავის მხრივ ხელს უწყობს სიმშრალის შემცირებას და, ამ უკანასკნელით, გამოწვეული პრობლემების პრევენციას.
აღსანიშნავია, რომ ჰაერის დამატენიანებლები ასევე ეფექტური საშუალებაა კრუპთან- ბავშვობის ვირუსთან ბრძოლაში, რომელიც იწვევს ანთებას ზედა სასუნთქ გზებში და ვლინდება ხველაში.
- 3. ხელს უწყობს ცხვირის ლორწოვანი გარსის შენარჩუნებას
ცნობილია, რომ დაბალი ტენიანობა აშრობს და ჭედავს სასუნთქ გზებს. გარდა იმისა, რომ ეს ძალიან არაკომფორტული შეგრძნებაა, უარეს შემთხვევაში, შესაძლოა გამოიწვიოს თავის ტკივილი და სისხლიანი გამონადენიც კი.
ტენიანობა კიდევ ერთი ბუნებრივი გზაა ლორწოვანი გარსის შენარჩუნებისათვის და ამასთან, ამცირებს ცხვირის ღრუს გაჭედვის ალბათობას.
- 4. ამცირებს გრიპის/ვირუსის მიკრობების გავრცელებას
როგორც აღმოჩნდა, გრიპის/ვირუსის პრევენციისათვის გავრცელებულ სხვა რეკომენდაციებს შორის, ერთ-ერთ მნიშვნელოვან პოზიციას იკავებს ტენიანობის ოპტიმალური დონის შენარჩუნება.
სამედიცინო წრეებში გამოჩნდა კვლევები, რომელთა მიხედვითაც ძლიერი კორელაციაა მშრალ პირობებსა და გრიპის ვირუსის გადაცემას შორის. მეტიც, როგორც მკვლევარებმა დაადგინეს, როდესაც ჰაერში აბსოლუტური ტენიანობა ძალიან დაბალი იყო, გრიპის ვირუსი უფრო დიდხანს ძლებდა და უფრო ადვილად ვრცელდებოდა.
დამატენიანებლის გამოყენება დაგეხმარებათ თავიდან აიცილოთ გრიპი/ვირუსი, რადგან ტენიან ჰაერში მიკრობების გადარჩენისთვის ნაკლებად ხელსაყრელ გარემო იქნება , შესაბამისად, შემცირდება დაინფიცირების ალბათობაც.
სათანადოდ ტენიანი ჰაერი მნიშვნელოვანია ასევე, უკვე გაციებული/დაინფიცირებული ადამიანისათვის- ამსუბუქებს რა ისეთ უსიამოვნო სიმპტომებს, რომლებიც თან ახლავს ავადმყოფობას, მაგ: სუნთქვის გაძნელება, ცხვირის ჩახშობა , სიმშრალე და ყელის ტკივილი.
- ამცირებს ხვრინვას
ხვრინვა შეიძლება გამოწვეული იყოს სხვადასხვა მიზეზით, მაგალითად: პირის ღრუს ანატომია, ალკოჰოლის მოხმარება, ალერგია, გაციება, ჭარბი წონა, ზურგზე წოლა, პრობლემები ცხვირის ღრუში და სხვ. თუმცა, ალბათ საინტერესო იქნება თუ გეტყვით, რომ მშრალი ჰაერი ასევე ხელს უწყობს ხვრინვის სიმპტომების სიმძიმეს. ეს იმიტომ ხდება, რომ ჰაერში არასაკმარისი ტენიანობა იწვევს ყელისა და ცხვირის შეშუპებას, იზღუდება ჰაერის მოძრაობა ცხვირში და ადამიანი იწყებს პირით სუნთქვას. ჰაერში ტენიანობის ოპტიმალური დონის შენარჩუნებით, თქვენ შეძლებთ შეამციროთ სიმშრალე და მასთან ერთად ხვრინვა.
- შენობა, სადაც ოპტიმალურად ტენიანი ჰაერია უკეთ თბება
რაც უფრო ტენიანია ჰაერი შენობაში, მით უფრო ადვილია მისი გათბობა. ზამთარში დამატენიანებლის გამოყენება დაგეხმარებათ ტემპერატურის კომფორტულ დონეზე შენარჩუნებაში, გამათბობელზე ზედმეტი დატვირთვის გარეშე.
ფაქტობრივად, თბობის სეზონზე, რეკომენდირებულია გამოიყენოთ გამათბობელი და ჰაერის დამატენიანებელი ერთდროულად.
- ოთახის მცენარეებისათვის ტენიანი ჰაერი სასიცოცხლოდ მნიშვნელოვანია
ადამიანი არ არის ერთადერთი ვინც ტენიანი ჰაერით სარგებლობს. ძირითადად, მცენარეებიც ვერ ეგუებიან მშრალ ჰაერს და არასაკმარისად ტენიან პირობებში შესაძლოა შეფერხდეს მათი ზრდა-განვითარება. ცხადია, ეს ყველაფერი დამოკიდებული იქნება მცენარეების ტიპზე, რომლებიც განთავსებულია თქვენს სახლში/ოფისში, თუმცა სპეციალისტების რეკომენდაციებით, ჰაერის დამატენიანებლის გამოყენება თქვენს შიდა ბაღს აყვავების უკეთეს შანსს აძლევს.
- იცავს სახლის/ოფისის ავეჯსა და იატაკს
ცნობილია, რომ ხის მასალით დამზადებული ნივთები უარყოფითად რეაგირებს ტენიანობის ცვალებადობაზე. მაგალითად, იატაკი და ავეჯი არასაკმარისად ტენიანი ჰაერის პირობებში ადვილად ზიანდება და იბზარება .
ჰაერის დამატენიანებლის გამოყენებით, თქვენ არამხოლოდ საკუთარ ჯანმრთელობას უწყობთ ხელს, არამედ იცავთ თქვენი ხის ავეჯისა თუ სხვა ნივთების ელასტიურობასა და მთლიანობასაც.
თბილისი მედიკ-ში წარმოდგენილი ჰაერის დამატენიანებლების შესახებ დეტალური ინფორმაციისთვის დაგვიკავშირდით ნომერზე : 0322 3751 77