,,ბათუმი მედიკში’’ საქველმოქმედო სამედიცინო აქცია გამარათა

2 ივლისს,  ბათუმი მედიკმა საქველმოქმედო სამედიცინო აქცია გამარათა. აქციის ფარგლებში, მსურველებს  შესაძლებლობა ჰქონდათ ჩაეტარებინათ სხვადასხვა ტიპის ულტრაბგერითი გამოკვლევები: ფარისებრი ჯირკვლის, მუცლის ღრუს, პროსტატის, საშარდე სისტემისა და  გინეკოლოგიური (აბდომინური ) ულტრაბგერითი კვლევები. გამოყენებული იქნა SonoScape  -ის უახლესი, კრისტალურად სუფთა, კონტრასტული გამოსახულებისა და  მაღალი გარჩევადობის მქონე ულტრაბგერითი აპარატი.

  სამედიცინო აქციის დასრულების შემდგომ  ,,ბათუმი მედიკმა’’ აჭარის რეგიონში მოღვაწე ექიმ-რადიოლოგებსა და სამედიცინო სფეროს სხვა წარმომადგენლებს  უმასპინძლა. სტუმრებს შესაძლებლობა ჰქონდათ გაცნობოდნენ კომპანიის პროდუქტებს  და დეტალური ინფორმაცია მიეღოთ  საინჟინრო მომსახურების სერვისის შესახებ, რომლის  ფარგლებშიც, ბათუმი მედიკი  უზრუნველყოფს  დროულ და ეფექტურ ტექნიკურ მხარდაჭერას.

,,ბათუმი მედიკი’’ მრავალწლიანი გამოცდილების მქონე სამედიცინო კომპანიის- ,,თბილისი მედიკის’’ შვილობილი ბრენდია, რომელიც სამედიცინო პროდუქციის მწარმოებელ მოწინავე ამერიკულ, ევროპულ და აზიურ ბრენდებთან  თანამშრომლობით , თანამედროვე და მაღალტექნოლოგიურ სერვისებთან თუ პროდუქციასთან  უწყვეტი წვდომით, ხელს უწყობს სამედიცინო სფეროს განვითარებას აჭარის რეგიონში   და  პირნათლად ასრულებს საკუთარ მისიას– გაუმარტივოს ადამიანებს ჯანმრთელობაზე ზრუნვა.

  კომპანია საქართველოში ოფიციალურად და ექსკლუზიურად წარმოადგენს ისეთ ბრენდებს, როგორებიცაა  მაგალითად : გლობალური ბრენდები Johnson & Johnson და Bausch and Lomb,  Ortho-clinical Diagnostic და ASP -აშშ,  იაპონური ბრენდი  Nidek, ჩინური ბრენდები  Mindray და  SonoScape,  თურქული ბრენდი Turmed  და სხვა.