კატარაქტა და მისი მკურნალობა ფაკოემულსიფიკაციის მეშვეობით

კატარაქტა არის თვალის ბროლის შემღვრევა. როცა ადამიანს კატარაქტა აქვს, მხედველობა უარესდება, ხდება დაბინდული და ნისლიან სივრცეში ყურებას ემსგავსება. ასეთ დროს უჭირთ ფერების გარჩევა, კითხვა, ავტომმობილის მართვა და სხვა ყოველდღიური საქმიანობა. 

როგორ ვმკურნალობთ კატარაქტას? 

კატარაქტა მედიკამენტებით არ იკურნება. მისი მკურნალობის ერთადერთი გზა ოპერაციაა. 

ოპერაცია თანამედროვე ულტრაბგერითი ფაკოემულსიფიკაციის მეთოდით ტარდება. ამისთვის გამოიყენება უახლესი ტექნოლოგიები, როგორიცაა ოფთალმოლოგიური მიკროსკოპი და ულტრათანამედროვე ექოსკოპიური აპარატი NIDEK Cube α. 

ოპერაცია მარტივია და რამდენიმე წუთს გრძელდება: ძველი, შემღვრეული ბროლი იცვლება ახალი ხელოვნური ბროლით. პროცედურა უმტკივნეულოა, რადგან ადგილობრივი ანესთეზიით ტარდება. მხოლოდ იშვიათ შემთხვევებში ხდება საჭირო ზოგადი ანესთეზია. ქირურგი მცირე ჭრილს აკეთებს, იღებს დაზიანებულ ბროლს და მის ადგილას სვამს ახალს.  

რა არის ფაკოემულსიფიკაცია?

ფაკოემულსიფიკაცია კატარაქტის მკურნალობის თანამედროვე ქირურგიული მეთოდია. ის პირველად 1967 წელს შეიმუშავა ჩარლზ კელმენმა. ამ მეთოდმა მნიშვნელოვნად გააუმჯობესა შედეგები, რადგან შესაძლებელი გახდა მხოლოდ 2-3 მილიმეტრიან ჭრილში ოპერაციის ჩატარება. სწორედ ამიტომ ფაკოემულსიფიკაცია დღემდე რჩება ოქროს სტანდარტად, მაგრამ დაიხვეწა მიდგომის მეთოდები და აპარატურა. გამოიყენება ულტრაბგერითი ზონდი ლინზის ტრენჩისთვის, ემულსიფიკაციისა და ასპირაციისთვის ძირითადი განაკვეთიდან.  

ბოლო ინოვაციებმა განავითარეს მიკრო-ინსიზური კატარაქტის ქირურგია, ფაკონიტი და მიკროფაკონიტი.   

ახალი ტექნოლოგია კატარაქტის სამკურნალოდ — NIDEK Cube α 

NIDEK-მა შექმნა ახალი თაობის აპარატი Cube α. 
ეს მოწყობილობა გათვლილია როგორც პაციენტის, ასევე ქირურგის კომფორტზე. 
მას აქვს: 

• მრავალჯერადი მილი 

• მარტივი ინტერფეისი 

• თვალშიდა ქსოვილების მაქსიმალური დაცვა 

• სითხის მოძრაობის უსაფრთხო მართვა 

• სტერილიზაციის უნიკალური მეთოდი 

• ეკონომიური მოხმარება 

• ეფექტური ულტრაბგერითი ენერგიის მიწოდება 

სწორედ ამ მახასიათებლების მეშვეობით, Cube α უზრუნველყოფს ოპერაციის მაქსიმალურ სიზუსტესა და უსაფრთხოებას. 

კატარაქტის მკურნალობა დღეს უკვე სწრაფი, უსაფრთხო და ეფექტურია.