რა არის გლაუკომა და როგორ დავიცვათ მისგან ჩვენი თვალები

არსებობენ დაავადებები, რომლებიც ხმაურიანად მოდიან – ტკივილით, სიცხით, გართულებებით... და არიან ისეთები, რომლებიც ჩუმად, ფრთხილად, შეუმჩნევლად აღწევენ ჩვენს ცხოვრებაში.

გლაუკომა სწორედ ასეთია – უხმო მტერი, რომელიც მხედველობას ნელ-ნელა გვპარავს და ხშირად მაშინ ვიგებთ მის არსებობას, როცა უკვე ძალიან გვიანია. 

გლაუკომა, როგორც ქრონიკული პროგრესირებადი დაავადება, აზიანებს მხედველობის ნერვს და იწვევს მხედველობის ველის შეუქცევად შევიწროვებას. 
იგი იწვევს უმნიშვნელო ცვლილებებს, რომლებსაც ხშირ შემთხვევაში არც ვაქცევთ ყურადღებას: 

• სიბნელეში ორიენტაციის გაძნელება  

• დილაობით ამღვრეული მხედველობა  

• ეკრანის გამოყენების დროს გადამეტებული დაღლა 

• მცირედი თავის ტკივილი თვალის მიდამოში 

ხშირად ეს სიმპტომებიც კი უკვალოდ ქრება,  საბოლოო ჯამში კი დაავადება მაინც პროგრესირებს. 

გლაუკომის მაღალი რისკის ქვეშ იმყოფებიან ადამიანები, რომლებიც: 

• არიან 40 წლის ზემოთ 

• ჰყავთ ოჯახის წევრი იგივე დიაგნოზით 

• იტანჯებიან დიაბეტით ან ჰიპერტონიით 

• ხშირად იღებენ კორტიკოსტეროიდულ პრეპარატებს 

• აქვთ მაღალი მხედველობითი დატვირთვა (ეკრანზე დიდხანს ყოფნა) 

გლაუკომა და თანამედროვე ტექნოლოგიები 

დღეს დიაგნოსტიკა საგრძნობლად წინ არის წასული და საშუალებას გვაძლევს გლაუკომა ჯერ კიდევ უსიმპტომო სტადიაზე აღმოვაჩინოთ: 

• OCT სკანირება – გვიჩვენებს ოპტიკური ნერვის ცვლილებებს უჯრედულ დონეზე 

• პერიმეტრია – აფიქსირებს მხედველობის ველის შევიწროებას, სანამ ის შემჩნევადი დარჩება 

• ტონომეტრია – თვალშიდა წნევის ზუსტი შეფასება 

ეს ყველაფერი რამდენიმე წუთიანი გამოკვლევაა – შედეგი კი თქვენი მხედველობის წლობით შენარჩუნება შეიძლება იყოს. 

თუ გსურთ, რომ თქვენი მხედველობა დარჩეს ისეთი მკაფიო, როგორიც დღეს არის – დროა მოქმედება დაიწყოთ. გლაუკომა არ იცდის და არც უკან იხევს.